RSS Feed

Tag Archives: Loneliness

Loneliness

ഏകനായ എന്റെ അന്ധതയോ, ഏകാന്തതയോ…?

വിജനമാം ഈ വീഥിയില്‍

എന്നുമേകനായി ഞാന്‍

ഏകാന്തത

അലയുന്നു, വെളിച്ചവും തേടി..!

കൂട്ടിനാരുമില്ലാതെഞാന്‍,

അലയുന്നു ഒരിറ്റു നന്മ തേടി..!

അലസതയുടെ പാതിയഴിഞ്ഞ

വിലങ്ങുമായി ഞാന്‍,

തിന്മ നടമാടിമടുത്ത തെരു

വോരങ്ങളില്‍ സമാധാനത്തിന്റെ

വെള്ളയണിഞ്ഞു നടന്നു

പക്ഷേ, ഞാനിന്നു ക്രൂരതയുടെ

രക്തം തെറിച്ചു ചുവന്ന

കുപ്പായത്തില്‍ അകപെട്ടിരിക്കുന്നു!

തേടുന്നു ഞാന്‍ ഒരു പ്രകാശകിരണത്തിനായി

എന്തേ ഞാന്‍ കാണാത്തേ..?

എന്തേ ഞാന്‍ കേള്‍ക്കാത്തേ..?

ഒരിറ്റു നിസ്വാര്‍ത്ത സ്നേഹ

മെന്തേ ഞാന്‍ കാണാത്തേ..?

മണ്‍മറഞ്ഞുവോ‌ ? അതോ,

തിന്മയേ ഭയന്നു ഒളിച്ചിരുപ്പോ?

നന്മയും സ്നേഹവും കാണാഞ്ഞത്

ഏകനായ എന്റെ അന്ധതയോ,ഏകാന്തതയോ…?